ՎՍՀ-ում Հայաստանի Հանրապետության դեսպան Վահրամ Կաժոյանի մասնակցությունը Վիետնամի կողմից ASEAN-ի (Հարավարևելյան Ասիայի պետությունների ասոցիացիա) 2020 թվականի նախագահության ստանձնման պաշտոնական արարողությանը:

06 հունվարի, 2020

2020 թվականի հունվարի 6-ին Վիետնամի Սոցիալիստական Հանրապետության վարչապետի նստավայրում կայացավ Վիետնամի կողմից ASEAN-ի (Հարավարևելյան Ասիայի պետությունների ասոցիացիա) 2020 թվականի նախագահության ստանձնման պաշտոնական արարողությունը, որին մասնակցում էր Վիետնամում ՀՀ դեսպան Վահրամ Կաժոյանը:

Ներկայումս կազմակերպության անդամ են հարավ-արևելյան Ասիայի տասը երկրներ՝ 650 միլիոն ընդհանուր բնակչությամբ: ASEAN-ն իր դինամիկ աճող տնտեսությամբ աշխարհում երրորդ տեղն էր զբաղեցնում 2018 թվականի տվյալներով՝ 2.95 տրիլիոն դոլար ընդհանուր համախառն ներքին արդյունքով:

Միջոցառմանը մասնակցում էին Վիետնամի վարչապետ Նգույեն Սյուան Ֆուկը, Փոխվարչապետ, ԱԳ նախարար Ֆամ Բին Մինը, ինչպես նաև այլ նախարարներ ու փոխնախարաներ, ASEAN-2020-ի ազգային կազմկոմիտեի անդամներ: Ներկա էին նաև Վիետնամում հավատարմագրված դեսպաններ և հավատարմատարներ:

Երկրի կառավարությունը չափազանց կարևորում է այս նախագահությունը՝ ՄԱԿ-ի Անվտանգության խորհրդի անդամության հետ մեկտեղ, համարելով այն 2020 թվականի կարևորագույն ձեռքբերումներից: Վիետնամի նախագահության տարին անցնելու է՝ Համախմբված ու արձագանքող (Cohesive and Responsive) խորագրի ներքո: Նախատեսվում է տարվա ընթացքում անցկացնել ավելի քան 300 պաշտոնական միջոցառումներ, հանդիպումներ և նախարարական ու բարձրաստիճան հանդիպումներ:

Բացման խոսքով հանդես եկավ Վիետնամի Սոցիալիստական Հանրապետության վարչապետ վարչապետ Նգույեն Սյուան Ֆուկը, ինչից հետո կայացավ ASEAN-ի դրոշի բարձրացման արարողությունը և 2020 թվականի նախագահության կայքի գործարկումը (https://asean2020.vn/):

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր